Dele Alli miðjumaður Como á Ítalíu er einhleyptur eftir að fyrirsætan Cindy Kimberly ákvað að sparka honum og binda enda á sambandið.

Alli samdi við Como í janúar eftir erfið ár innan sem utan vallar. Hefur hann glímt við þunglyndi og farið í geggnum dimma dali vegna þess.

Dele hafði ekki spilað leik í tvö ár þegar Como bauð honum að koma til æfinga og samdi félagið við hann.

Cesc Fabregas stjóri Como hefur náð að koma Dele á lappir og eru bundnar vonir við hann á næstu leiktíð takist honum að haldast heill heilsu.

Samkvæmt fréttum ákvað Kimberly að binda enda á sambandið og hefur hætt að fylgja Dele á samfélagsmiðlum.

Dele er 29 ára gamall og átti hann frábæra tíma hjá Tottenham áður en halla fór undan fæti á ferlinum.