David Beckham verður á næstu dögum sæmdur riddarakross bresku krúnunnar eitthvað sem hann hefur lengi látið sig dreyma um.

Á þessum tímamótum verður hann kallaður Sir David Beckham og mun bera það nafn það sem eftir er. Er það mikill heiður að fá Sir fyrir framan nafnið sitt.

Beckham taldi árið 2017 að hann væri að fá þessa merkilegu nafnbót en svo var ekki, varð Beckham gjörsamlega trylltur.

„Þetta eru andskotans aumingjar, ég átti ekki von á neinu öðru,“ sagði Beckham í tölvupósti til ráðgjafa sem hann var með, lak þessi póstur út árið 2017.

„Þetta er til skammar, ef ég væri frá Bandaríkjunum þá hefði ég fengið svona nafnbót fyrir tíu árum síðan,“ sagði Beckham einnig en fólk sem hefur lagt eitthvað til samfélagsins og náð árangri í starfi fær þennan heiður.

„Þetta pirrar mig verulega, þessar vanþakklátu tussur,“ sagði Beckham einnig í tölvupósti sem Upshot rifjar upp.

David Beckham’s knighthood nightmare pic.twitter.com/sYS72UAUHK

— The Upshot podcast (@UpshotTowers) June 9, 2025

Talið var að Beckham myndi ekki fá orðuna eftir þetta. Það á að hins vegar að hafa hjálpað til þegar hann stóð í 13 klukkustundir í röð til að heiðra minningu Elísabetar drottningu eftir andlát hennar.

Það verður sonur Elísabetar, Karl Bretakonungur sem mun veita Beckham þennan mikla heiður.