David Ornstein hjá The Athletic segir frá því að Arsenal sé búið að ganga frá öllu varðandi kaup á Martin Zubimendi.
Spænski landsliðsmaðurinn mun mæta til æfinga hjá Arsenal í júlí.
Nokkuð er síðan að greint var frá því að Zubimendi væri til Arsenal frá Real Sociedad í sumar.
Þessi 26 ára gamli leikmaður hefur lengi verið eftirsóttur en hann hafnaði Liverpool óvænt síðasta sumar.
Ornstein segir að sögur um að Real Madrid hafi undanfarið reynt að fá Zubimendi ekki vera réttar, félagið hafi ekki sýnt því neinn áhuga að kaupa hann.
Zubimendi er fyrsti leikmaðurinn sem Arsenal kaupir í sumar en búist er við að framherjinn Benjamin Sesko verði næstur í röðinni.
