Magnús Már Einarsson, þjálfari karlaliðs Aftureldingar, mætti til Helga Fannars Sigurðssonar í nýjasta þætti af Íþróttavikunni hér á 433.is.

Afturelding féll úr Bestu deildinni sem nýliði í sumar, þrátt fyrir að hafa safnað 27 stigum sem margir hefðu haldið að myndi duga. Liðið spilaði vel heilt yfir en það var þó skjálfti í leikmönnum í opnunarleik mótsins, gegn þá ríkjandi Íslandsmeisturum Breiðabliks.

„Það fór í taugarnar á mér hvað við vorum stressaðir. Og það var eiginlega eini leikurinn í sumar sem mér fannst við ekki eiga neitt breik í. Við vorum svo langt frá okkar getu,“ sagði Magnús, en leikurinn tapaðist 2-0.

„Þetta var smá skjálfti í byrjun, sem var óþægilegt því við vorum búnir að reyna að draga úr því og stilla spennustigið rétt. Eftir það fannst mér við þó höndla þetta vel og spennustigið var gott það sem eftir lifði sumars.“

Nánar í spilaranum.