UEFA hyggst ekki breyta reglum sínum og taka það upp að nýju að hluti liða sem komast ekki áfram úr deildarkeppni Meistaradeildarinnar fái sæti í Evrópudeildinni, þrátt fyrir áhyggjur af stöðu Evrópudeildarinnar.

Þar til á þessari leiktíð fengu liðin sem enduðu í þriðja sæti riðla sinna í Meistaradeildinni sæti í útsláttarkeppni Evrópudeildarinnar. Deildarfyrirkomulag var hins vegar tekið upp í báðum keppnum í haust, komast 16 af 24 liðum áfram en ekkert lið færist milli keppna.

Sky Sports fjallar nú um að áhyggjur séu uppi um að þetta hafi veikt Evrópudeildina sem keppni og því hafa margir velt því fyrir sér hvort ekki eigi að breyta fyrirkomulaginu á ný svo lið færist úr Meistaradeildinni niður í Evrópudeildinni.

Í sömu umfjöllun kemur hins vegar fram að það sé alls ekki í áætlunum UEFA sem stendur að breyta fyrirkomulagi keppnanna. Keppnirnar verða því eins og á þessari leiktíð áfram, í bili hið minnsta.

Þrátt fyrir að lið flytjist ekki úr Meistaradeildina niður í Evrópudeildina fær sigurvegari síðarnefndu keppninnar áfram sæti í deild þeirra bestu tímabilið eftir. Í ár er útlit fyrir að úrslitaleikurinn verði milli Tottenahm og Manchester United, liða sem eru hvergi nærri því að ná Meistaradeildarsæti í gegnum deild sína.