Föstudaginn 14. mars kl.12.00-13.00 bjóða KSÍ og HR upp á fræðsluviðburð í fundarsal M208 í Háskólanum í Reykjavík.

Yfirskrift viðburðarins er; Líkamleg og hugræn geta 16 ára knattspyrnuiðkenda á öllu Íslandi: munur á milli getustigs, leikstöðu og fæðingardagsáhrifa.

Efni fundarins eru niðurstöður úr líkamlegum og hugrænum mælingum sem framkvæmdar voru á 826 íslenskum knattspyrnuiðkendum á eldra ári 3 flokks karla og kvenna, á árunum 2019 – 2021. Skoðuð voru tengsl við getustig, leikstöðu og fæðingardagsáhrif. Mælingarnar voru framkvæmdar af meistaranemum í íþróttafræði og sálfræði hjá HR í kostaðri stöðu hjá KSÍ. Vísindagrein byggð á rannsókninni var birt í desember og gefst því loks tækifæri á að ræða opinberlega niðurstöður hennar.

Vísindagreinin: Differences in Anthropometric Parameters, Physical Fitness, and Kicking Speed in Young Football Players According to Performance Level, Playing Position, and Relative Age Effect: A Population-Based Study

Dagskrá:
– Lára Hafliðadóttir og Katrín Ýr Friðgeirsdóttir: Framkvæmd og niðurstöður líkamlegra mælinga. Munur á milli getustigs, leikstaða og fæðingardagsáhrif.
– Grímur Gunnarsson: Framkvæmd og niðurstöður hugrænna mælinga:
– Hafrún Kristjánsdóttir: Hvernig vinnum við áfram með gögnin?

Knattspyrnuþjálfarar með UEFA/KSÍ þjálfararéttindi geta nælt sér í 2 endurmenntunarstig með því að mæta á fyrirlesturinn. Viðburðurinn verður tekinn upp og hægt er að óska eftir að fá upptökuna senda í tölvupósti.

Frítt er á viðburðinn og skráning er hér, bæði fyrir þau sem mæta og þau sem vilja fá senda upptökuna