Stuðningsmenn Tottenham voru ekki beint hrifnir af ummælum Heung Min Son, fyrirliða liðsins, eftir leik gegn Arsenal um helgina.

Tottenham tapaði grannaslagnum í London 1-0 á heimavelli en Son vill meina að hans menn hafi verið mun sterkari í viðureigninni.

Son virtist afsaka þetta tap eftir leikinn sem fór illa í marga og er hann af allavega þremur kallaður ‘versti fyrirliði í sögu Tottenham.’

,,Við yfirspiluðum þá í leiknum, fótboltinn var til staðar en við fengum mark á okkur úr föstu leikatriði,“ sagði Son.

,,Við gerðum það sama á síðustu leiktíð og þetta er ansi pirrandi. Ég er viss um að stuðningsmenn séu vonsviknir.“

,,Við verðum að bæta okkur, hundrað prósent, þetta er erfitt augnablik en við þurfum að standa saman.“

Tottenham stuðningsmenn létu í sér heyra á samskiptamiðlum og höfðu þetta að segja sem dæmi:

,,Að stjórna leiknum er ekki að vionna leikinn, hálfviti. Þetta hlýtur að vera versti fyrirliði í sögu okkar félags,“ segir maður að nafni SamuraiTHFC.

Annar tekur undir: ,,Hann er enginn leiðtogi á vellinum, gefið bandið til einhvers sem er með rödd á vellinum og getur hvatt leikmennina áfram. Son er enginn fyrirliði.“

Fleiri tóku undir þessi ummæli en mikill rígur er á milli Tottenham og Arsenal og það að tapa á heimavelli fór mjög illa í marga.