Phil Jones fyrrum varnarmaður Manchester United segist hafa gengið í gegnum algjört helvíti á ferli sínum, ástandið varð svo slæmt að hann vildi ekki fara út úr húsi.

Jones hefur lagt skóna á hilluna en hann var í tíu ár hjá Manchester United en var mikið meiddur.

Jones segist hafa liðið mjög illa með það að vera alltaf meiddur. „Ég hef farið í gegnum helvíti andlega,“ segir Jones.

„Sem fótboltamaður áttu að setja grímuna á þig, þú færð svo mikið borgað að þú átt ekki að hafa tilfinningar.“

„Líkamleg meiðsli mín gerðu mig andlega veikan.“

Jones segist oft hafa hugsað út í málið á meðan hann var meiddur. „Fólk fer að ræða að þú sért alltaf meiddur, ég vaknaði samt aldrei og ætlaði mér að meiðast þann daginn.“

„Mín leið var að þegja, setja upp skjöldinn. Ég ræddi varla við vini mína.“

„Þú gast verið að labba út á götu og fólk sagði eitthvað sem fór í taugarnar á þér. Ef fólk hefði bara séð allt sem ég gerði til þess að koma mér í gang.“

„Mér fannst mjög erfitt að fara á veitingastaði í mörg ár, þú settir hausinn niður. Ég vildi ekki að fólk myndi þekkja mig.“