Cristiano Romero varnarmaður Tottenham er verulega ósáttur með félagið og birtist það á X-síðu hans í gær.
Þar hafði blaðamaður í Argentínu bent á það að Romero og aðrir leikmenn Tottenham hefðu ekki fengið einkaþotu til að mæta heim úr landsleikjum.
Blaðamaðurinn ræddi um að Romero hefði verið þreyttur í tapinu gegn Arsenal í gær.
Knattspyrnusamböndin sjá um að kaupa flug fyrir leikmenn sína í og úr landsleikjum, sum félög grípa hins vegar til þess að leigja einkaþotu til að koma mönnum fyrr heim.
Tottenham taldi það ekki þurfa en Romero spilaði á miðvikudag með Argentínu en það var frí á æfingu hjá Tottenham á fimmtudag.
„Tottenham tapaði aftur, þeir gátu ekki barist til loka. Þeir voru eina félagið sem lét leikmenn ferðast eina til baka,“ skrifaði spænski blaðamaðurinn.
„Þeir vildu ekki forskotið sem þeir gátu fengið, þeirra leikmenn voru þreyttir. Cuti Romero var þreyttur,“ skrifaði hann.
Romero endurbirti færsluna en tók það svo til baka.
