Ange Postecoglou, stjóri Tottenham, býst við því að Rodrigo Bentancur verði dæmdur í bann eftir ummæli sem hann lét falla í júní.

Bentancur lét þar rasísk ummæli falla fyrir framan myndavélarnar en hann grínaðist með að allir asíubúar væru eins í útliti.

Það fór ekki vel í Son Heung Min, fyrirliða Tottenham, en þeir tveir hafa rætt málin og eru sáttir í dag.

Enska knattspyrnusambandið hefur þó ákært Bentancur fyrir ummælin og á hann von á allt að 12 leikja banni – atvikið átti sér stað eftir leik Úrúgvæ og Suður-Kóreu.

,,Varðandi Sonny og Rodri, þeir hafa rætt málin. Báðir leikmennirnir skilja málið og virða stöðu hvors annars. Rodri er búinn að biðjast afsökunar og Sonny samþykkti þá afsökunarbeiðni,“ sagði Postecoglou.

,,Við skiljum það að jafnvel þó að hann sé frábær náungi og góður liðsmaður þá gerði hann stór mistök og verður að taka við þeirri refsingu sem hann fær.“

,,Við þurfum einnig að gefa honum tækifæri á að læra af þessu og bæta fyrir mistökin og vonandi geta aðrir lært það sama.“