Albert Brynjar Ingason fyrrum framherji Fylkis er ekki sáttur með félagið sitt að hafa svarað fyrir það að félagið hefði samið við leikmenn um að fresta launagreiðslum.

Snjóboltinn fór af stað á þriðjudag þegar Ríkharð Óskar Guðnason sagði frá málinu í Þungavigtinni og 433.is sagði svo frá. Fylkir játaði stöðuna svo í yfirlýsingu.

Meira:
Rikki G segir frá vandamálum í Árbænum – Verið að biðja fólk um að bíða með að fá launin sín greidd

Albert segir vandamálið ekki var þar, öll félög lendi í svona vandi. Vandamálið sé hjá leikmönnum liðsins. „Einhverjir pjakkar á Þjóðhátíð: Það var verið að biðja okkur að bíða með greiðslur. Þá kemur einhver yfirlýsing sem býr til miklu meira vesen. Þetta er svo heimskulegt,“ sagði Albert á Stöð2 Sport í gær.

Hann telur það ekki eðlilegt að leikmenn Fylkis séu að blaðra svona hlutum í þá sem eru með umfjöllun um fótbolta á Íslandi.

„Þetta er svona í öllum klúbbum. Það eru kannski 2-3 klúbbar á Íslandi sem eru ekki í neinum vandamálum með launamál. Það hafa allir lent í því einhvern tímann á ferlinum að það þurfti að bíða aðeins með launin. Það er meira sjokkerandi að leikmenn séu að fara á útihátíð, tala við menn með hlaðvörp og segja: Það er verið að biðja mig um að bíða með launin. Ég horfi meira á það. Það er vandamálið. Ekki það að félagið þurfi að biðja leikmenn aðeins um að bíða. Það hafa allir lent í því. Að gefa út einhverja yfirlýsingu býr bara til stærri snjóbolta. Svo til að toppa þetta allt, Ragnar Bragi; þeir setja mikilvægasta leikmanninn sinn í tveggja leikja bann. Þetta er bara svo heimskulegt. Það mætti halda að ég sé að stýra þessum klúbbi.“