Það er útlit fyrir það að Carlo Ancelotti muni ekki semja við annað félag á ferlinum en hann greinir sjálfur frá þessu.
Ancelotti hefur gert frábæra hluti með Real Madrid undanfarin ár en hefur náð árangri annars staðar hjá liðum eins og Chelsea og AC Milan.
Ancelotti er 65 ára gamall í dag en hann hefur sterklega verið orðaður við landslið Brasilíu en er ekki á leið þangað á næstunni.
Ítalinn hefur lítinn áhuga á að þjálfa landslið þessa stundina og eru allar líkur á að Real verði hans síðasta félagslið.
,,Mín hugmynd er að Real Madrid verði síðasta félagið mitt,“ sagði Ancelotti í samtali við hlaðvarpsþátt John Obi Mikel.
,,Eins og er þá er ég ekki spenntur fyrir því að þjálfa landslið því þar myndi ég missa af því að vinna með leikmönnum á hverjum degi sem og starfsfólkinu.“
