Börkur Edvardsson, formaður knattspyrnudeildar Vals hefur Arnar Gunnlaugsson, þjálfara Víkings að háð og spotti í pistili á Facebook. Hjörvar Hafliðason, Dr. Football fjallaði um málið.

Tilefni pistils Barkar eru ummæli sem Arnar Gunnlaugsson lét falla í viðtali við Fótbolta.net.

Arnar var dæmdur í þriggja leikja bann af KSI fyrir ósæmilega hegðun gegn Vestra þar sem hann missti stjórn á skapi sínu. Hafa margir reynt að sparka í Arnar undanfarna daga og gagnrýna hann.

„Síðasti maðurinn með væna sneið, hann var með alla tertuna,“ sagði Hjörvar Hafliðason um pistilinn frá Berki, formanni knattspyrnudeildar Vals.

Börkur ritaði. „Þegar góður vinur dómara tók reiði- og frekjukast eingöngu til að fórna sér fyrir alla leikmenn, þjálfara og dómara til að lokakafli Íslandsmótsins verði sá besti í sögunni.“ skrifaði Börkur á Facebook.

Hann segir Arnar hafa tekið að sér hlutverk talsmanns. „Eitthvað varð að gera segir þessi nýjasti talsmaður þjálfara, leikmanna og dómara!.“

Ummæli Arnars í viðtali við Fótbolta.net voru eftirfarandi. „Ég tek þessu banni alveg. Ég gerði mig náttúrulega að fífli fyrir að tjá mig um atvik, sem ég tek sérstaklega fram að endaði á að vera frábær tækling og ekkert að henni, en það voru nokkrir hlutir sem höfðu pirrað mig illilega, bæði í leiknum gegn Vestra og í leikjum á undan. Ég hef vanalega verið góður vinur dómaranna, að því leyti að ég er ekki mikið að tjá mig eftir leiki, en stundum springur maður,“ sagði Arnar við Fótbolta.net.

„Ég vona að það sem kemur út úr þessu sé að bæði leikmenn, þjálfarar og dómarar taki sig almennilega á svo þetta verði besti lokakafli í sögu Íslandsmótsins. Ef að þetta bann hjálpar til þess, þá verð ég glaður. Það þurfti eitthvað að gera, það var of mikið af kvörtunum, of mikið af ákvörðunum og líka mistök hjá okkur þjálfurum og leikmönnum. Það er fínt inn á milli að vekja menn aðeins upp.“