Ruben Amorim hitti nokkra leikmenn Manchester United í gær og faðmaði þá flesta. Margir leikmenn eru í landsliðsverkefni en aðrir eru á svæðinu.
Í gær voru leikmenn sem eru meiddir eða hafa glímt við meiðsli á svæðinu.
Amorim hitti meðal annars Mason Mount, Kobbie, Maino, Leny Yoro og Luke Shaw.
Amorim má vera á æfingasvæði United en hann má ekki stýra æfingum fyrr en hann fær atvinnuleyfi.
Búist er við að Amorim fái atvinnuleyfi sitt á allra næstu dögum og þá getur hann hafist handa við að undirbúa sinn fyrsta leik.
United mætir Ipswich eftir tæpar tvær vikur í fyrsta leik Amorim en ljóst er að miklar væntingar eru gerðar til hans að rífa liðið upp úr meðalmennsku.
