Kieran Tierney, leikmaður Arsenal, viðurkennir að Mikel Arteta hafi gert rétt með að taka sig úr byrjunarliðinu á síðustu leiktíð.

Tierney missti sæti sitt í vörn Arsenal 2023 og var svo lánaður til spænska félagsins Real Sociedad fyrir þetta tímabil.

Tierney mun snúa aftur til Arsenal eftir tímabilið en viðurkennir einnig að hann muni finna annað verkefni ef hann kemst ekki í hóp.

,,Sjáið breiddina í þessari stöðu í dag, þeir eru með Zinchenko, Timber, Tomiyasu og Kiwior. Fjórir leikmenn geta spilað þarna,“ sagði Tierney.

,,Ef ég sný aftur og staðan er sú sama þá verð ég ekki vitlaus, ég veit að það eru góðar líkur á að ég sé á förum.“

,,Þú veist samt aldrei hvað gerist í fótboltanum, það er hægt að nefna sjaldgæft dæmi með William Saliba.“

,,Ég skil ákvörðun þjálfarans að setja mig á bekkinn, svona er fótboltinn. Þetta var taktísk ákvörðun og sú besta til að skila úrslitum.“

,,Hann hafði 100 prósent rétt fyrir sér ef þú horfir til baka. Þeir voru nálægt því að vinna deildina í fyrra og ég tel að þeir geri það á þessu ári.“