Ruben Amorim þjálfari Sporting Lisbon er ekki líklegur til þess að taka við Liverpool miðað við fréttir gærdagsins.

The Athletic segir frá þessu í gær en Amorim var um tíma talinn líklegastur til að taka við.

Athletic segir að Amorim sé mjög líklegur til þess að taka við West Ham en enska félagið hefur sýnt honum áhuga, samningur David Moyes rennur út í sumar.

Jamie Carragher telur þessar fréttir benda til þessa að Roberto de Zerbi þjálfari Brighton sé líklegastur til að taka við og bendir á nokkrar ástæður þess.

„Richard Hughes vildi De Zerbi til Bournemouth, hann hlýtur að vera líklegastur til að taka við ef þetta er satt,“ skrifar Carragher en Hughes var ráðinn í starf hjá Liverpool sem yfirmaður knattspyrnumála hjá Liverpool á dögunum.

Hann bendir svo á að David Ornstein sé ekki oft að fara út með hluti sem standast ekki en hann skrifaði frétt The Athletic um Amorim.

Jurgen Klopp lætur af störfum hjá Liverpool í maí en hann vonast enn eftir því að vinna ensku úrvalsdeildina með liðið.