Albert Guðmundsson sóknarmaður Genoa er mættur aftur í íslenska landsliðshópinn eftir marga mánaða fjarveru. Íslenska landsliðið mætir Ísrael eftir sex daga í umspili um laust sæti á EM.
Fari Ísland með sigur af hólmi fer liðið í úrslitaleik gegn Úkraínu eða Bosníu.
Age Hareide hafði ekki mátt velja Albert í landsliðið vegna rannsóknar hjá lögreglu en málið var fellt niður og mætir sóknarmaðurinn öflugi aftur til liðsins.
Athygli vekur að Rúnar Alex Rúnarsson er ekki í hópnum en ástæða þess ætti að koma í ljós á eftir. Rúnar var fyrsti kostur í mark Íslands nánast allt síðasta ár.
Gylfi Þór Sigurðsson er ekki í hópnum þrátt fyrir að hafa lagt allt í sölurnar til að fá kallið en Age Hareide kaus að velja hann ekki. Aron Einar Gunnarsson er ekki með vegna meiðsla.
Lítið óvænt er í hópnum en Andri Lucas Guðjohnsen er í hópnum og þá er Patrik Sigurður Gunnarsson kallaður inn í hópinn en hann var frábær í marki Viking í Noregi á síðustu leiktíð.
Hópurinn:
Elías Rafn Ólafsson – CD Mafra – 6 leikir
Hákon Rafn Valdimarsson – Brentford – 7 leikir
Patrik Sigurður Gunnarsson – Viking FK – 4 leikir
Guðmundur Þórarinsson – OFI Crete – 13 leikir
Kolbeinn Birgir Finnsson – Lyngby Boldklub – 9 leikir
Daníel Leó Grétarsson – Sonderjyske Fodbold – 15 leikir
Sverrir Ingi Ingason – FC Midtjylland – 47 leikir, 3 mörk
Hjörtur Hermannsson – Pisa SC – 27 leikir, 1 mark
Guðlaugur Victor Pálsson – K.A.S. Eupen – 42 leikir, 1 mark
Alfons Sampsted – FC Twente – 21 leikur
Jóhann Berg Guðmundsson – Burnley – 90 leikir, 8 mörk
Ísak Bergmann Jóhannesson – Fortuna Düsseldorf – 24 leikir, 3 mörk
Arnór Ingvi Traustason – IFK Norrköping – 54 leikir, 5 mörk
Hákon Arnar Haraldsson – LOSC Lille – 15 leikir, 3 mörk
Kristian Nökkvi Hlynsson – AFC Ajax – 1 leikur
Jón Dagur Þorsteinsson – OH Leuven – 33 leikir, 4 mörk
Mikael Egill Ellertsson – Venezia FC – 14 leikir, 1 mark
Mikael Neville Anderson – AGF – 24 leikir, 2 mörk
Arnór Sigurðsson – Blackburn Rovers – 20 leikir, 2 mörk
Willum Þór Willumsson – Go Ahead Eagles – 8 leikir
Orri Steinn Óskarsson – FC Köbenhavn – 6 leikir, 2 mörk
Andri Lucas Guðjohnsen – Lyngby Boldklub – 20 leikir, 6 mörk
Alfreð Finnbogason – K.A.S. Eupen – 73 leikir, 18 mörk
Albert Guðmundsson – Genoa CFC – 35 leikir, 6 mörk
