Enska götublaðið The Sun og fleiri miðlar hafa fjallað um málefni Gylfa Þórs Sigurðssonar í dag og segja að hann hafi verið rekinn frá Lyngby.

The Sun vitnar í tilkynningu frá Lyngby í dag þar sem segir að Gylfi muni ekki snúa aftur til félagsins.

Gylfi sjálfur hafði frumkvæði af því að rifta samningi við Lyngby í janúar, danska félagið vildi halda samtalinu virku en Gylfi hafði ekki hug á endurkomu.

Gylfi samdi svo við Val til tveggja ára í dag og hafa erlendir miðlar fjallað um það en enska pressan fer ekki rétt með staðreyndir málsins.

Gylfi sem er 34 ára gamall skrifaði undir tveggja ára samning við Val í dag og er mikil eftirvænting fyrir komu hans í Bestu deildina.

Daily Mail er í svipuðum stíl með sína frétt og The Sun og gera lítið úr stærðinni á heimavelli Vals.