OnlyFans-stjarnan Fernanda Campos útskýrði á dögunum hvers vegna hún hefur valið að nota aldrei klósettpappír.
Götublöð erlendis vekja athygli á þessu en Campos kom sér á fótboltamiðla um allan heim vegna meints framhjáhalds með stórstjörnunni Neymar.
Campos á að hafa verið í símasamskiptum við Neymar á meðan HM 2022 í Katar stóð og heldur hún því sjálf fram að hafa sofið hjá honum í júní í fyrra.
Neymar og kærasta hans, Bruna Biancardi, glímdu þá við erfiðleika í sambandinu. Hins vegar er allt í blóma í dag og eiga þau nú barn saman.
Campos er með yfir 800 þúsund fylgjendur á Instagram og útskýrði hún á dögunum hvers vegna hún notar ekki klósettpappír. Sagði hún þetta í tengslum við hvernig ætti að fá hinn fullkomna rass.
„Ég er með einfalt ráð. Ekki nota klósettpappír. Ég nota blautþurrkur eða skola í staðinn,“ sagði Campos.
„Klósettpappír veldur núningi og dekkir húðina.“
