Miðjumaðurinn öflugi James Maddison var stórkostlegur fyrir Tottenham fyrr í vetur áður en hann meiddist í 4-1 tapi gegn Chelsea.

Maddison er Englendingur og mun líklega fara með enska landsliðinu til Þýskalands í sumar er liðið spilar í lokakeppni EM.

Harry Redknapp, fyrrum þjálfari Tottenham, telur að Maddison verði valinn í lokahópinn en að það séu litlar sem engar líkur á að hann fái mikinn spilatíma á mótinu.

Redknapp telur að Gareth Southgate, landsliðsþjálfari Englands, horfi frekar á aðra leikmenn og að Maddison verði lítið annað en varaskeifa þrátt fyrir frábæra frammistöðu fyrr á tímabilinu.

,,James Maddison er klárlega leikmaður sem getur komist í fyrra form og náð árangri með Englandi í sumar en vandamálið er að ég held að Gareth Southgate muni ekki velja hann,“ sagði Redknapp.

,,Ég er nokkuð viss um að Southgate sé ekki of hrifinn af honum. Jack Grealish er heldur ekki í neinu uppáhaldi hjá Gareth.“

,,Grealish komst aðeins í liðið því almeninningur heimtaði að hann fengi tækifæri, fyrir það þá spilaði hann mjög lítið.“

,,Ég hef enga trú á að Maddison muni komast í enska liðið á EM í sumar.“