Jose Mourinho er atvinnulaus í dag en hann var á dögunum rekinn sem þjálfari Roma í ítölsku úrvalsdeildinni.

Mourinho vann Sambandsdeildina á tíma sínum sem þjálfari Roma en gengið í vetur var mjög brösugt.

TeamTalk hefur nú tekið saman þau fimm lið sem Mourinho gæti horft til sem sitt næsta verkefni.

Newcastle United

Eddie Howe er undir töluverðri pressu þessa stundina og er ekki ólíklegt að eigendur félagsins leiti annað fyrir næsta tímabil.

England

Gareth Southgate mun líklega kveðja England eftir lokakeppni EM 2024 og eru góðar líkur á að Mourinho verði á blaði sem næsti þjálfari liðsins.

Porto

Mourinho vakti fyrst heimsathygli sem þjálfari Porto og þekkir vel til félagsins áður en hann var fenginn til Chelsea.

Al-Shabab

Þetta ágæta félag í Sádi Arabíu ku vera tilbúið að borga Mourinho stjarnfræðilega upphæð ef hann er til í að semja á þessu ári.

Chelsea

Það er ekki útilokað að Mourinho snúi til Chelsea í þriðja sinn en hann hefur tvívegis verið rekinn frá félaginu. Gengið á leiktíðinni hefur verið slæmt og er Mauricio Pochettino ekki öruggur með sitt sæti.