Það hefur lítið gengið hjá Roma á leiktíðinni en liðið er í níunda sæti. Mourinho hafði stýrt liðinu síðan 2021 og vann hann Sambandsdeildina vorið eftir.
Mourinho hefur auðvitað náð frábærum árangri víða á ferli sínum og gætu mörg lið án efa nýtt krafta hans.
Hér að neðan eru sex möguleikar.
Endurkoma í ensku úrvalsdeildina
Mourinho er með mikla reynslu úr ensku úrvalsdeildinni, þar sem han nhefur stýrt Chelsea, Manchester United og Tottenham. Það er ekkert augljóst starf sem kemur til greina en Newcastle er nefnt til sögunnar. Eftir slæmt gengi undanfarið velta menn því upp hvort Eddie Howe sé undir pressu.
Sádi-Arabía
Sádar hafa lokka fjölda stórstjarna til sín, þar á meðal stjóra. Það yrði risastórt fyrir deildina að fá Mourinho og hann fengi ansi vel greitt, sem gæti heillað.
Inter Miami
Inter Miami, sem er í eigu David Beckham og með Lionel Messi innanborðs, elskar að fá til sín stjörnur og þar yrði Mourinho engin undantekning.
Enska landsliðið
Það er talið að Gareth Southgate sé á förum eftir Evrópumótið en það verður að teljast ólíklegt að enska knattspyrnusambandrið ráði týpu eins og Mourinho til starfa.
Endurkoma til Porto
Þarna hófst ævintýri Mourinho en hann vann Meistaradeildina með liðinu 2004. Það gengur ekki sem skildi hjá liðinu eins og er og Móri gæti án efa rifið það í gang.
Portúgalska landsliðið
Þetta er ansi langsóttur möguleiki. Roberto Martinez er landsliðsþjálfari og samningsbundinn til 2026. Portúgal þyrfti að eiga skelfilegt Evrópumót í sumar til að þetta yrði möguleiki á borðinu.
