Manchester United 2 – 2 Tottenham
1-0 Rasmus Hojlund(‘3)
1-1 Richarlison(’19)
2-1 Marcus Rashford(’40)
2-2 Rodrigo Bentancur(’46)
Það fór fram ansi fjörugur leikur í ensku úrvalsdeildinni í kvöld en Manchester United og Tottenham áttust við.
Fjögur mörk voru skoruð í þessum leik en fyrsta markið gerði Rasmus Hojlund eftir aðeins þrjár mínútur.
Hojlund átti gott skot sem endaði í þaknetinu en á 19. mínútu jafnaði Richarlison metin fyrir gestina eftir hornspyrnu.
Heimamenn tóku forystuna aftur á 40. mínútu er Marcus Rashford átti gott skot sem endaði í fjærhorninu.
Rodrigo Bentancur reyndist svo hetja gestanna snemma í seinni hálfleik og tryggði sínum mönnum eitt stig.
