Peter Schmeichel, goðsögn Manchester United, hefur gagnrýnt miðjumanninn Lisandro Martinez sem leikur með félaginu.
Martinez átti ekki góðan leik fyrir Man Utd um helgina er liðið tapaði 3-1 gegn Brighton.
Schmeichel segir að Martinez reyni alltaf að vera hetjan í leikjum liðsins frekar en að sinna auðveldu vinnunni sem hann ætti að vera að gera.
Argentínumaðurinn hefur staðið sig frekar vel eftir að hafa komið til liðsins í fyrra en frammistaða Man Utd á tímabilinu hingað til hefur ekki verið of sannfærandi.
,,Þetta er það sem er að gerast hjá Man Utd þessa dagana, þetta snýst um einstaklingana. Leikmenn eins og Martinez, hann reynir að vera hetjan og verja markið. Hann setur sig í stöðu þar sem hann stendur alveg fyrir markmanninum,“ sagði Schmeichel.
,,Hann ætti að reyna að loka á skotið frekar en að standa þarna og vera fyrir. Ef þú vilt vera fyrir boltanum þá snýrðu þér ekki við, þú stendur þarna hugrakkur. Hlutirnir eru ekki í lagi hjá Manchester United.“
Enski boltinn á 433 er í boði 
