Íþróttavikan heldur áfram að rúlla á 433.is og í Sjónvarpi Símans undir hlekk Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og gestur þeirra að þessu sinni var Ríkharð Óskar Guðnason, Rikki G.
Stórleikur Vals og FH í Olís-deild karla í handbolta fór fram í vikunni á sama tíma og landsleikur Íslands og Bosníu. Margir gagnrýndu þetta og var þetta tekið fyrir í þættinum.
„Mér finnst það ótrúlegt, af því tímabilið var að byrja, að það hafi ekki verið hægt að færa hann lengra inn í tímabilið. Þú ert að berjast við Ísland-Bosnía á sama tíma,“ sagði Ríkharð.
„Það er talað um að þetta séu liðin sem gætu barist um titilinn og maður hefði haldið að menn hefðu viljað fá 1500-2000 manns í Origo-höllina.“
Hrafnkell kom með áhugverðan vinkil og benti á að liðin eigi Evrópuleiki á næstunni.
„Þetta er ótrúleg stjórnun hjá HSÍ. Bæði lið eru að spila í Evrópu í næstu viku og þarna áttu að hjálpa liðunum.“
Umræðan í heild er í spilaranum.
