Heilir 17 leikmenn Las Palmas misstu af flugi liðsins til Madríd í gær fyrir leik gegn Sevilla í La Liga, efstu deild Spánar.

Carrusel á Spáni greinir frá þessu en allir 17 leikmennirnir ákváðu að fá sér kaffi á flugvellinum á meðan vélin lagði af stað.

Það mun svo sannarlega ekki hafa góð áhrif á liðið fyrir leikinn sem fer fram í dag en vonandi skiluðu sér allir í tæka tíð.

Las Palmas hefur ekki byrjað tímabilið vel og er aðeins með tvö stig eftir fyrstu fjórar umferðirnar.

Óvíst er hvenær leikmennirnir skiluðu sér til Madrídar í kjölfarið en flugvélin var tómleg og vantaði eins og áður sagði alls 17 leikmenn sem er gríðarlega mikið.

Búist er við að þessir leikmenn verði allir til taks þegar flautað verður til leiks klukkan 16:30 í dag.