Age Hareide, landsliðsþjálfari Íslands, er vongóður um að Gylfi Þór Sigurðsson spili aftur eftir góðan fund þeirra á dögunum. Hann hefur ekki rætt nýlega við Gylfa.
Gylfi Þór hefur ekki spilað fótbolta í tvö ár en blikur eru á lofti um að hann taki fram skóna eftir að mál hans var fellt niður í Manchester.
„Eina sem ég get gert er að vona það,“ sagði Age Hareide um það hvort hann væri á því að Gylfi myndi snúa aftur á völlinn.
„Ég hef ekki talað við hann nýlega. Þetta var góður fundur og vonandi getum við fengið hann aftur á völlinn.“
Hann segir reynslu Gylfa mikilvæga fyrir hópinn. „Hann hefur mikla reynslu og tækni, hann er einn tæknilega besti leikmaður sem Ísland hefur átt. Við þurfum alla.“
„Þessir 25 leikmenn sem eru í hópnum eru góðir en við þurfum að stækka hópinn. Aðrar þjóðir hafa yfirleitt fleiri leikmenn að vela í sinn hóp.“
„Reynslan að fara á í lokakeppni EM og HM er mikilvæg, það er sem dæmi munurinn á Noregi sem hefur ekki farið lengi á stórmót. Það hefur áhrif, Ísland þarf að komast aftur inn á stórmót og vonandi tekst það.“