Åge Hareide, þjálfari íslenska karlalandsliðsins, kynnti í dag sinn fyrsta landsliðshóp frá því hann tók við starfinu í vor. Næst á dagskrá eru leikir gegn Slóvakíu og Portúgal. Norðmaðurinn er brattur fyrir komandi verkefni.
Hareide valdi 25 manna hóp fyrir leikina. Kristian Nökkvi Hlynsson, ungur leikmaður Ajax er í hópnum, en þar einnig Willum Þór Willumsson, sem hefur ekki verið í hópnum lengi.
Birkir Bjarnason sem er leikjahæsti leikmaður í sögu Íslands snýr aftur í hópinn en það gerir Albert Guðmundsson leikmaður Genoa einnig.
„Það er alltaf erfitt að velja hóp því þú þarft að skilja einhvern eftir. Þetta er samt bara hópurinn í þessum leik svo leikmenn sem eru ekki valdir til baka geta komið til baka,“ sagði Hareide við 433.is í höfuðstöðvum KSÍ í Laugardal í dag.
Leikurinn gegn Bosníu er 17. júní og öll einbeiting Hareide er á þeim leik.
„Slóvakía og Bosnía eru aðal keppninautir okkar um annað sætið. Við verðum að vinna þessi lið á heimavelli. Það er engin krísa ef við gerum jafntefli við Slóvakíu á heimavelli en þá þurfum við sigur úti.
Ég hef ekkert hugsað út í Portúgal. Hugur minn er á leiknum gegn Slóvakíu. Ég tel samt að þetta sé besti tíminn til að mæta Portúgal. Þeir eru búnir með sitt tímabil og við erum á heimavelli.“
Hareide bendir á hversu mikilvægt er að fá íslensku þjóðina á bak við landsliðið í leikjunum hér heima.
„Það er ein af ástæðum fyrir því að ég hélt með Íslandi á EM í Frakklandi. Fólkið á bak við liðið. Ef við fáum gott andrúmsloft hér á Laugardalsvelli verður erfitt að mæta okkur hér.“
Ítarlegt viðtal við Hareide má nálgast í spilaranum.