Fyrirsætan Mirtha Sosa hefur tjáð sig opinberlega um samband sitt við sóknarmanninn Alexis Sanchez.
Sanchez spilar með Marseille í Frakklandi en hann og Sosa voru í svokölluðu netsambandi en hittust aldrei í persónu.
Sosa er vinsæl fyrirsæta en rúimlega 200 þúsund manns fylgja henni á Instagram. Hún kemur frá Paragvæ.
Hún hefur nú rætt samband sitt við Sanchez og segir hann vera slæma manneskju með litla sem enga samvisku.
,,Hann bað mig um símanúmerið mitt. Við byrjuðum að senda skilaboð og kynnast,“ sagði Sosa.
,,Við hringdum í hvort annað og ég komst inn í þetta því ég trúði honum og hans lygum.“
,,Hann sendi mér miða svo ég gæti ferðast til hans en ég fór ekki. Ég sagði að ég myndi bara koma ef hann vildi vera með mér opinberlega.“
,,Ég ætlaði ekki að vera enn ein af þessum stelpum sem voru þarna í smá tíma og ekki meira en það.“
,,Ég komst að því að hann hafði verið að tala við margar konur, hann er ekki sá sem hann segist vera.“
,,Hann neitaði öllu. Ég veit ekki hvernig einhver getur látið svona. Hann hringdi í mig í 24 klukkutíma á dag.“
,,Hann fylgdist með því sem ég var að gera alls staðar í heiminum, hann vildi ekki leyfa mér að gera neitt.“
,,Það var ómögulegt að lifa með honum, ég átti ekkert líf lengur. Ég var bara á lífi fyrir hann.“
,,Ég varð ástfangin af þessum manni og hann sagði mér að hann vildi ekki kynnast annarri konu. Það sem hann gerði særði mig mikið, ég er alveg ónýt.“
Enski boltinn á 433 er í boði 
