Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.
Viðar hefur komið víða við á atvinnumannaferlinum og lék meðal annars með Jiangsu Sainty í Kína.
„Ég hélt ég gæti reddað mér á ensku en maður þurfti að fara með miða með kínverskum táknum út í leigubíl til að komast áleiðis,“ segir hann um dvölina þar.
„Þegar ég horfi til baka væri ég til í að prófa þetta aftur. Þú gast búið til svo gott líf þarna en ég bara kunni ekki á neitt og var svolítið blautur á bak við eyrun.
Ég hugsaði að ég þyrfti að komast aftur til Evrópu, sem er auðvitað hörmuleg hugsun. Þú nærð aldrei að „settla“ almennilega. Maður myndi njóta þess í botn í dag af því þetta var frábært fyrir utan nokkra hluti. En þú þarft að vera vel sterkur í haus ef þú ætlar að vera flottur þar.“
Umræðan í heild er í spilaranum.