Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.
Viðar var í fréttum fyrr í vor vegna vangoldinna launa í Grikklandi, en þar spilar hann með Astromitos. Hann hefur þó ekki áhyggjur af því að launin skili sér ekki.
„Grikkland, Rússland, fleiri lönd. Þetta er öðruvísi kerfi. Þeim finnst eðlilegt að það sé seinkun. Þú átt bara að taka því.
Ég held að allt muni skila sér á endanum.“
Meira
Viðar í veseni í Grikklandi – Fullyrt að hann fái ekki laun og hann leitar réttar síns
Viðar bendir á að venjan í Grikklandi sé ekki eins og eigi að venjast annars staðar.
„Ég ætla ekki að tjá mig mikið um þetta en það er þekkt í þessum löndum að það sé seinkun en að það skili sér á endanum. Það er kannski bara ekki eitthvað sem við erum vanir.
Það er fullt af hlutum þarna sem maður er ekki vanur og ef þú veist ekki af því fyrirfram er þetta svolítið sjokk. En það leysist allt. Þetta er rótgróið lið og þekktir fyrir að standa við sitt.“
Umræðan í heild er í spilaranum.