Oliver Kahn, goðsögn Bayern Munchen, var rekinn frá félaginu í gær eftir sigur liðsins í þýsku Bundesligunni.
Kahn starfaði sem stjórnarformaður Bayern og var rekinn ásamt Hasan Salihamidzic sem var yfirmaður knattspyrnumála félagsins.
Bayern vann deildina í gær með 2-1 sigri á Köln en Dortmund missteig sig á sama tíma og gerði 2-2 jafntefli við Mainz sem gerði útslagið.
Tilkynnt var beint eftir leik að Kahn væri búinn að fá sparkið en hann var miður sín eftir lokaflautið.
Kahn var bannað að fagna með leikmönnum Bayern sem hann þekkir vel og segist hafa upplifað versta dag í sínu lífi.
,,Þetta var versti dagurinn í mínu lífi, að geta ekki fagnað ásamt strákunum,“ sagði Kahn við Sky.