Roberto De Zerbi, stjóri Brighton, hefur í raun staðfest það að tveir leikmenn séu að kveðja félagið.
Það eru þeir Alexis Mac Allister og Moises Caicedo sem spila báðir á miðjunni.
Caicedo var sterklega orðaður við brottför í janúar en varð að lokum áfram en fer að öllum líkindum í sumar.
Mac Allister vann HM með Argentínu í vetur og er talið að hann sé að skrifa undir hjá Liverpool.
Brighton spilaði síðasta leik tímabilsins í dag er liðið tapaði 2-1 gegn Aston Villa.
,,Ég tel að það séu líkur á að þetta hafi verið síðasti leikur Mac Allister og Caicedo hjá Brighton,“ sagði De Zerbi.
,,Mér þykir það leitt því þetta eru frábærir leikmenn en svona er hugmyndafræði Brighton, það er rétt að þeir geti farið og spilað á hærra stigi.“