Bayern Munchen gerði stór mistök með því að reka Julian Nagelsmann fyrr á tímabilinu og ráða inn Thomas Tuchel.
Nagelsmann var rekinn og tók Tuchel við í mars en gengi liðsins hefur svo sannarlega ekki batnað til þessa.
Bayern þarf að treysta á að Dortmund misstígi sig í dag gegn Mainz í lokaumferðinni til að geta unnið deildina.
Lothar Matthaus, goðsögn í Þýskalandi, segir að Bayern hafi aldrei átt að reka Nagelsmann sem hafði náð fínasta árangri áður en Tuchel varð laus.
,,Auðvitað voru gerð mörg mistök jafnvel áður en við skiptum um þjálfara sem varð til þess að liðið er í þessari stöðu í dag,“ sagði Matthaus.
,,Liðið sem átti enn möguleika á þrennunni undir Nagelsmann er að spila miklu verr undir Tuchel.“
,,Það eru svo góðir einstaklingar í liðinu svo það er lágmark að vinna deildina en þeir eru of uppteknir af sjálfum sér.“