Það fór einn leikur fram í ensku úrvalsdeildinni í kvöld. Englandsmeistarar Manchester City heimsóttu þá Brighton.
City hafði þegar tryggt sér Englandsmeistaratitilinn þriðja árið í röð fyrir leik kvöldsins.
Brighton stóð vel í liði City sem þó komst yfir á 25. mínútu leiksins með marki Phil Foden.
Skömmu síðar kom Kaoru Mitoma boltanum í netið fyrir Brighton en var markið dæmt af vegna hendi.
Julio Enciso jafnaði hins vegar fyrir heimamenn með frábæru marki á 38. mínútu. Staðan í hálfleik jöfn.
Það var útlit fyrir að Erling Braut Haaland væri að tryggja City sigurinn þegar tíu mínútur lifðu leiks. Mark hans var hins vegar dæmt af vegna rangstöðu í aðdragandum.
Lokatölur í Brighton urðu 1-1.
City er sem fyrr segir á toppi deildarinnar. Liðið er með 89 stig, 8 stigum á undan Arsenal.
Brighton er í sjötta sæti með 62 stig og hefur tryggt sér Evrópudeildarsæti.