Knattspyrnusérfræðingurinn geðugi Hrafnkell Freyr Ágústsson velur þessa dagana 30 bestu leikmenn Bestu deildar karla í hlaðvarpsþættinum Dr. Football.
Í dag voru kynntir til leiks leikmenn frá 30 til 21.
Þar kenndi ýmissa grasa en það sem stóð upp úr var að Hrafnkell setti Adam Ægi Pálsson, leikmann Vals, í 26. sæti.
Adam fór á kostum fyrir Keflavík á síðustu leiktíð. Hann skoraði 7 mörk og lagði upp 14 í Bestu deildinni.
Adam var á láni hjá Keflavík frá Víkingi en fór svo til Vals í vetur.
Kappinn svaraði vali Hrafnkels á Twitter í dag með góðu gríni. Hann birti myndband af sér sýna tilþrif í auglýsingu Bestu deildarinnar og skrifaði: „Getur kattar ruslið gert þetta eða bara mjálmað???“
Besta deildin rúllar af stað þann 10. apríl og þar fær Adam tækifæri til að sanna að hann eigi að vera ofar á listanum.
Getur kattar ruslið gert þetta eða bara mjálmað??? https://t.co/uGZD3wVs25 pic.twitter.com/NNjjL30EMX
— Adam Palsson (@Adampalss) March 29, 2023