Borussia Dortmund er sagt vera að undirbúa einhvers konar leyniáætlun um að halda Jude Bellingham hjá sér í sumar. Bild segir frá.
Hinn 19 ára gamli Bellingham er einn eftirsóttasti leikmaður heims. Hann hefur verið sterklega orðaður við Liverpool og Real Madrid en Manchester-félögin City og United hafa einnig verið nefnd til sögunnar, sem og fleiri.
Dortmund vill þó halda honum hjá sér í allavega eitt ár til viðbótar og til þess er félagið búið að setja upp plan. Yfirmaður íþróttamála hjá Dortmund, Sebastian Kehl, ætlar að hitta Bellingham og faðir hans. Þar hyggst hann bjóða Bellingham 150% launahækkun og þar af leiðandi 13 milljónir punda í árslaun.
Þess í stað myndi Dortmund setja klásúlu í samning enska miðjumannsins um að hann mætti fara ef 131 milljóna punda tilboð berst.
Þrátt fyrir þetta er talið líklegast að Bellingham muni hafna þessu og reyna að fara í sumar.
Tilboð Dortmund er í það minnsta metnaðarfullt ef satt reynist. Það verður áhugavert að sjá hvað gerist í málum Bellingham.