Manchester United hefur áhuga á því að kaupa Harry Kane fyrirliða Tottenham í sumar. Ensk blöð fjalla um málið í dag.
Fjallað hefur verið um áhuga United á Kane undanfarnar vikur en eitthvað gæti gerst í málum framherjans í sumar.
Kane mun eiga eitt ár eftir af samningi sínum í sumar og ekkert hefur heyrst af viðræðum um nýjan samning. Vilji framherjinn fara gæti Tottenham verið í erfiðri stöðu.
Sagt er í enskum blöðum að stjórn United hafi gefið grænt ljós á það að reyna að landa Kane fyrir 80 milljónir punda. Er Erik Ten Hag sagður vilja landa framherjanum áður en tímabilið er á enda.
Kane er markahæsti leikmaður í sögu Tottenham og varð á dögunum markahæsti leikmaður í sögu enska landsliðsins.