Það verður athyglisvert að sjá hvort miðvörðurinn Kim Min-jae færi sig um set í sumar.
Suður-Kóreumaðurinn gekk í raðir Napoli í sumar frá Fenerbahce og hefur verið hreint frábær fyrir ítalska liðið, sem stefnir hraðbyri að Ítalíumeistaratitlinum.
Í kjölfarið hefur Kim verið orðaður við mörg af stærstu félögum Evrópu, þar á meðal Manchester United.
Þá hefur Kim einnig verið orðaður við Paris Saint-Germain en samkvæmt Sky Sports ætlar franska félagið ekki að taka þátt í baráttunni um leikmanninn.
Kim er með klásúlu í samningi sínum sem gerir honum kleift að fara fyrir 70 milljónir evra.
United virðist leiða kapphlaupið en Kim en félög á borð við Liverpool og Tottenham hafa einnig verið nefnd til sögunnar.