Manchester United hefur gefið út yfirlýsingu varðandi leikmann liðsins, Mason Greenwood, en fyrr í dag voru ákærur á hendur honum er sneru meðal annars að meintri tilraun til nauðgunar, líkamsárás og stjórnandi hegðunar á hendur fyrrum kærustu hans, felldar niður.

Í yfirlýsingu félagsins segist félagið vita stöðu mála hjá leikmanninum, sem hefur verið laus gegn tryggingu undanfarna mánuði. Áður en næstu skref verði ákvörðuð muni félagið setja af stað ákveðið ferli sem leiðir að lokun af sér ákvörðun um framhaldið.

Hann hefur ekki spilað fótbolta í meira en ár í kjölfar þess að hann var ákærður fyrir tilraun til nauðgunar, stjórnandi hegðun og líkamsárás, allt gegn fyrrverandi kærustu sinni Harriet Robson.

Þetta kemur fram í staðarmiðlinum Manchester Evening News.

Lögregla á Manchester-svæðinu staðfestir að málin gegn honum hafi verið látin niður falla.

„Þar sem þetta mál er mikið í fjölmiðlum teljum við sanngjarnt að deila því með ykkur að 21 árs gamli maðurinn sem tengist rannsókn sem hófst í janúar 2022 verður ekki frekar sóttur til saka vegna málsins,“ segir yfirlögregluþjónninn Michaela Kerr.

Greenwood hefur verið á mála hjá United síðan hann var sex ára