Folarin Balogun er sem stendur markahæsti leikmaður frönsku úrvalsdeildarinnar.
Hann er á mála hjá Reims á láni frá enska stórliðinu Arsenal.
Framherjinn skoraði þrennu í endurkomusigri Reims á Lorient í gær og tyllti sér á topp listans yfir markahæstu menn.
Balogun, sem er 21 árs gamall Englendingur, er nú kominn með 14 mörk í deildinni. Kylian Mbappe kemur þar á eftir með 13. Neymar er með 12.
Lán Balogun gildir út þessa leiktíð og það er óhætt að segja að hann sé að heilla forráðamenn Arsenal, sem gætu örugglega vel hugsað sér að nota hann á næstu leiktíð miðað við frammistöðuna á þessari leiktíð.
Reims situr í ellefta sæti frönsku úrvalsdeildarinnar.
