„Við verðum að vinna með liðið og reyna að halda í stöðugleika fyrir liðið, þess vegna hef ég reynt að gera ekki of miklar breytingar,“ segir Age Hareide landsliðsþjálfari Íslands um nýjasta hóinn sinn.

Sjáðu hópinn sem Hareide valdi

Jóhann Berg Guðmundsson kemur inn eftir meiðsli og Stefán Teitur Þórðarson fær sitt fyrsta tækifæri í hópnum hjá Hareide.

„Jóhann Berg kemur aftur, hann er byrjunarliðsmaður fyrir okkur miðað við reynsluna og gæðin í þeirri deild sem hann spilar í. Ég vildi skoða Stefán Teit sem var meiddur í sumar.“

„Ég vildi setja Andra Lucas Guðjohnsen í U21 árs liðið, hann styrkir þá mikið og við verðum að koma liðinu á lokamótið þar.“

Hareide segir það styrkja íslenska landsliðið mikið að fá Jóhann Berg aftur inn. „Hann er mjög reyndur leikmaður, hann spilar á hæsta mögulega leveli fótboltans. Að fá hann inn gefur okkur reynsluna, við fengum mörg jákvæð svör í síðasta verkefni. Við fáum Jóhann inn núna sem gerir vinstri vænginn okkar sterkari.“

Aron Einar Gunnarsson er á leið til Kaupmannahafnar að hitta sjúkraþjálfara sem fer yfir hans mál, Aron æfir með Al-Arabi í Katar en fær ekki að spila. „Ég talaði við Aron í síðustu viku, hann er á leið til Kaupmannahafnar þar sem meiðslin verða skoðuð. Hann hefur æft reglulega með Al-Arabi síðustu vikur en ekki spilað. Svo lengi sem hann er heill heilsu þá er það gott fyrir hópinn, við sáum muninn á hópnum í glugganum síðast og þar á undan þegar Aron var ekki. Hann hefur áhrif á leikmennina.“