Manchester City er komið áfram í Meistaradeild Evrópu og getur sett tærnar upp í loft í síðustu tveimur umferðunum.

RB Leipzig er sömuleiðis komið áfram en það var stuð í Meistaradeildinni í kvöld.

E-riðill:

Í Madríd var Celtic mætt í heimsókn til Atletico Madrid en gestirnir áttu aldrei séns. Heimamenn unnu þar sannfærandi 6-0 sigur.

Lino og Saul skoruðu báðir eitt mark en Antoine Griezmann og Alvaro Morata skoruðu báðir tvö stykki.

Í sama riðli vann Lazio sigur á Feyenoord. Eftir fjórar umferðir er Atletico með átta stig, Lazio sjö stykki og Feyenoord sex stig.

Celtic er á botinum með eitt stig.

F-riðill:

PSG heimsótti AC Milan í kvöld og þar var það Milan Skriniar sem kom gestunum yfir. Heimamenn létu það hins vegar ekkert á sig fá.

Rafael Leo jafnaði á tólftu mínútu og gamli maðurinn, Olivier Giroud skoraði sigurmarkið í síðari hálfleik.

Fyrr í kvöld hafði Dortmund unnið góðan sigur á Newcastle.

Riðilinn er mjög opinn þegar tvær umferðir eru eftir en Dortmund er á toppnum með sjö stig. PSG er með sex stig, AC Milan fimm og Newcastle er með fjögur stig.

G-riðill:

Erling Haaland var í stuði þegar Manchester City vann sannfærandi sigur á Young Boys, sá norski skoraði tvö og Phil Foden skoraði eitt í 3-0 sigri.

Í sama riðli vann RB Leipzig sigur á Rauðu Stjörnunni á útivelli þar sem Xavi Simmons var á skotskónum.

Manchester City er komið áfram úr riðlinum með tólf stig og Leipzig er sömuleiðis komið áfram með sín níu stig.

Young Boys og Rauða stjarnan eru með eitt stig þegar sex stig eru í boði.

H-riðill:

Porto vann góðan sigur á Royal Antwerp í kvöld og er liðið nú með níu stig líkt og Barcelona. Pepe var á meðal markaskorara, varnarmaðurinn geðugi frá Portúgal.

Barcelona tapaði frekar óvænt gegn Shaktar Donetsk á útivelli.

Danylo Sikan skoraði eina mark leiksins fyrir heimamenn en Barcelona er með níu stig á toppnum. Shaktar er með sex punkta.