Manchester United goðsögnin Sir Alex Ferguson stendur þétt við bakið á Erik ten Hag, stjóra liðsins. Þetta herma heimildir breska götublaðsins The Sun.

Ten Hag er undir mikilli pressu eftir slaka frammistöðu á þessari leiktíð en miðað við þessar fréttir er hann þó allavega með stuðning Ferguson, sem hefur mikið að segja.

Þá kemur einnig fram í frétt miðilsins að Ferguson muni tala fyrir því við nýja fjárfesta í félaginu að Ten Hag fái að vera áfram. Talið er að Sir Jim Ratcliffe sé að eignast 25% hlut í United og vill hann taka til í fótboltahlið félagsins.

„Erik hefur óumdeildan stuðnings Sir Alex. Hann hefur stutt þétt við bakið á Erik síðan hann kom til félagsins. Hann hefur heilað fyrir það sem hann er að gera og stórar ákvarðanir sem hann hefur tekið,“ segir heimildamaður The Sun.

„Eins og aðrir vildi Sir Alex að úrslitin á þessari leiktíð væru betri en hann telur ekki rétt að kenna stjóranum um. Hann telur að Ten Hag sé stjóri sem getur snúið genginu við.“