„Við verðum að vinna, ég fer ekkert ofan af því,“ segir Erik ten Hag, stjóri Manchester United sem er með bakið upp við vegg eftir slæm töp síðustu daga.
United hefur tapað átta af fimmtán leikjum tímabilsins og er starf hollenska stjórans sagt í hættu. Hann er hins vegar brattur.
„Leikmennirnir eru jákvæðir, þeir vilja gera hlutina rétt. Við vitum hvernig við þurfum að gera þetta.“
„Við verðum að leggja okkur alla fram, við verðum að berjast. Klefinn er sterkur, starfsfólkið er klárt í slaginn og stjórinn er sterkur.“
Ten Hag segist vera með góðan hóp. „Ég er með góðan hóp, ég efast ekki um þá leikmenn sem ég er með.“
„Við sáum hvernig þessir leikmenn voru á síðustu leiktíð, þeir geta miklu betur. Það er mitt að láta þá spila betur.“
„Ég verð að taka ábyrgð, ég mun leggja mig allan fram við að laga þetta.“
