Mikael Nikulásson þjálfari KFA segir það talsvert áfall fyrir KR að missa bæði Kennie Chopart og Kristinn Jónsson nú þegar Greg Ryder er að koma sér fyrir í starfi.
Ryder var staðfestur sem þjálfari KR um helgina en ráðning á eftirmanni Rúnars Kristinssonar tók ansi langan tíma.
„Þetta hafa verið lykilmenn KR undanfarin ár,“ segir Mikael sem er harður stuðningsmaður KR í Þungavigtinni.
„Þeir voru ekkert frábærir í sumar en klárlega tveir af ellefu bestu leikmönnunum, miðað við styrkleikann á KR hópnum í dag þá máttu þeir ekki við þessu.“
Mikael telur að það sé augljóst að Kristinn hafi verið óhress með ráðningu KR á Ryder.
„Ég held að þessir tveir hafi verið þreyttir á biðinni og mögulega ósáttir með að Rúnar hafi verið látin fara. Kristinn sagði að hann ætlaði að bíða og sjá hver yrði ráðinn, hann er basically að segja að hann sé ekki sáttur við ráðninguna.“
„Ég er skíthræddur fyrir hönd KR næsta sumar og þeir fikri sig upp töfluna, ég held að þeir fari niður á við. Maðurveit aldrei, maður hefur séð lið falla.“
