Eddie Howe, stjóri Newcastle, hefur staðfest það að félagið hafi reynt að fá leikmanninn Felix Nmecha á sínum tíma.

Um er að ræða 23 ára gamlan miðjumann en hann var orðaður við Newcastle í sumar en samdi svo við Dortmund.

Nmecha skoraði sitt fyrsta mark fyrir Dortmund í vikunni er liðið vann einmitt Newcastle í Meistaradeildinni.

Miðjumaðurinn var lengi á lista Newcastle en félagið ákvað að lokum að horfa annað og samdi við Sandro Tonali sem kom frá AC Milan.

,,Þetta er strákur sem við skoðuðum og við vorum mjög hrifnir af honum,“ sagði Howe við blaðamenn.

,,Augljóslega þá er hann leikmaður Dortmund í dag. Snerist þetta bara um okkar áhuga á öðrum leikmanni? Það er aldrei svo einfalt.“