Wayne Rooney, stjóri Birmingham, var alls ekki ánægður í gær eftir leik liðsins við Southampton í Championship-deildinni.

Rooney var óánægður með dómgæsluna í þessum leik og einnig með spilamennsku sinna manna í 3-1 tapi.

Rooney tók nýlega við Birmingham en gengið hefur verið erfitt undir hans stjórn og var þetta þriðja tap liðsins í röð.

,,Þeir eru með gott lið og eru með þjálfara sem vill spila skemmtilegan og flottan fótbolta,“ sagði Rooney.

,,Ég benti á fyrir leikinn að það eru lið í þessari deild sem vilja spila svoleiðis bolta. Við sýndum aðra hlið af okkur í dag, við gerðum okkur erfitt fyrir.“

,,Auðvitað var þessi vítaspyrnudómur algjör skandall, við fengum þær upplýsingar frá fjórða dómara að um smá snertingu væri að ræða.“