Zlatan Ibrahimovic, einn besti knattspyrnumaður seinni tíma segir frá því í viðtali við Piers Morgan að móðir hans hafi ítrekað lagt hendur á hann

Zlatan segir að það hafi verið gott fyrir sig og það hafi gert sig að þeim manni sem hann er í dag.

„Ég var ungur og ruglaður, ég var með aga til að fara í skólann. Pabbi hefði lamið mig ef ég hefði ekki farið, það var eðlilegt í okkar heimi,“ segir Zlatan í viðtalinu.

„Hann lamdi mig ekki, mamma lamdi mig. Fyrir okkur var þetta eðlilegt.“

Zlatan segir að móðir sín hafi ítrekað notað sleif til að lemja sig en þegar hún fór að sækja kökukeflið þá hljóp hann í burtu. Piers Morgan spurði hvort þetta hefði haft andleg áhrif á sig.

„Nei, þetta gerði mig sterkari. Ég skil sem foreldri i dag hvað foreldrar mínir gengu í gegnum, það eru aðrar aðstæður árið 2023.

„Móðir mín átti fimm börn, hún vann við að þrífa. Hún fékk kannski þúsund evrur á mánuði og þurfti að fæða fimm börn, hún vann frá 07:00 til 16:00.“

„Hún varð að fæða alla, við vorum öll ung og klikkuð. Þarna var hún að koma með aga í okkur, ég segi að þetta hafi verið í lagi. Þetta gerði mig að þeim manni sem ég er í dag.“

Hann segir að foreldrar sínir hafi komið frá erfiðum stað.

„Þau eru frá gömlu Júgóslavíu, það er annað hugarfar. Þar er eðlilegt þar að leggja hendur á börn sín, ég er náinn mömmu í dag en ekki eins náinn pabba. Við erum með sama karakter, ég er eins og hann. Hann kom í bílskúrinn, ég á marga flotta bíla og hann fór að segja mér að selja þá. Ég tók það ekki í mál

Viðtalið er í heild hér að neðan.