fbpx
Laugardagur 04.febrúar 2023
433Sport

Kjartan Henry spenntur fyrir nýrri áskorun: „Þarf að bretta upp ermar og koma mér í form lífsins“

Hörður Snævar Jónsson
Þriðjudaginn 10. janúar 2023 12:34

Ekki missa af Helstu tíðindum dagsins í pósthólfið þitt

Lesa nánar

„Það var ekki langur aðdragandi að þessu,“ segir Kjartan Henry Finnbogason sem í gær skrifaði undir eins árs samning við FH.

FH hefur staðfest komu Kjartans Henry til félagsins frá KR. Kjartan mun klæðast treyju númer 9 hjá FH.

„Ég tók þá ákvörðun eftir að samningi mínum hjá KR var sagt upp að draga mig aðeins í hlé, ég fór í frí með fjölskyldunni til útlanda yfir jólin. Ég leyfði rykinu aðeins að setjast og vildi hugsa hvert mitt næsta skref yrði. Þegar ég kom heim í byrjun janúar þá byrjaði manni að kitla að komast af stað. FH hafði samband og þetta fór að rúlla, ég er hrikalega ánægður með þessa lendingu.“

„Ég fór ekki í viðræður við nein önnur lið, um leið og ég vissi af þessu þá vildi ég ger allt til þess að láta þetta ganga.“

Hinn 36 ára gamli Kjartan yfirgaf KR eftir síðasta tímabil. Ósætti hans við félagið í sumar vakti mikla athygli.

Kjartan hefur skorað 49 mörk í 133 leikjum í efstu deild á Íslandi. Hann hefur aldrei leikið fyrir annað lið á Íslandi en KR og félagaskiptin ættu því að verða áhugaverð.

„FH er auðvitað bara stórt félag sem hefur gert vel undanfarna áratugi,“ sagði Kjartan en FH barðist við falldrauginn á síðustu leiktíð.

Heimir Guðjónsson er tekinn við sem þjálfari á nýjan leik og Sigurvin Ólafsson er honum til aðstoðar. „Þetta er spennandi hópur hjá FH. Ég hef spilað með sumum í landsliðinu og þekki aðra persónulega, svo eru þarna ungir og efnilegir strákar með mikinn hraða. Síðasta tímabil endurspeglar ekki getustig hópsins.“

„Heimir er svo bara sigurvegari og Sigurvin þekki ég vel. FH er flottur klúbbur með eina bestu aðstöðu landsins sem ég hlakka til að nýta mér.“

Kjartan er hungraðir í árangur eftir erfitt sumar hjá KR þar sem endalokin voru erfið. „Ég þarf ekki að sanna neitt, ég er heill heilsu og hef sloppið við meiðsli. Ég hef helling fram að færa og sérstaklega að miðla af minni reynslu. Ég hlakka til að skora mörk og ná árangri með FH.“

Kjartan hefur ekki gert það upp við sig hvort hann fagni næsta sumar ef hann skorar gegn FH. „Ég er ekki kominn þangað, ég er að kynnast nýjum liðsfélögum. Ég fór á fyrstu æfinguna í gær er að kynnast þessu góða fólki. Ég er bara að pæla í næstu æfingu sem er klukkan 16:00.“

„Það eru tæpir þrír mánuðir í mót, maður þarf að bretta upp ermar og koma sér í form lífsins.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 20 klukkutímum

Þorsteinn ræddi við Söru Björk eftir ákvörðunina – „Það var ekkert sem ég gat gert til að breyta því“

Þorsteinn ræddi við Söru Björk eftir ákvörðunina – „Það var ekkert sem ég gat gert til að breyta því“
433Sport
Fyrir 20 klukkutímum

Þorsteinn valdi hópinn fyrir Pinatar Cup – Einn nýliði

Þorsteinn valdi hópinn fyrir Pinatar Cup – Einn nýliði
433Sport
Fyrir 21 klukkutímum

Ten Hag var spurður út í Greenwood en harðneitaði að tjá sig

Ten Hag var spurður út í Greenwood en harðneitaði að tjá sig
433Sport
Fyrir 22 klukkutímum

Arteta opinberar hver næstu skref eru

Arteta opinberar hver næstu skref eru
433Sport
Fyrir 23 klukkutímum

Hrafnhildi ofbauð umræðan í Facebook hópnum í kjölfar tíðindanna og birti færslurnar – „Takk fyrir samveruna“

Hrafnhildi ofbauð umræðan í Facebook hópnum í kjölfar tíðindanna og birti færslurnar – „Takk fyrir samveruna“